Engele by die aanbidding

 

Koot van Wyk (DLitt et Phil; ThD)

Besoekende Professor

Kyungpook Nasional Universiteit

Sangju Kampus

Suid Korea

Medeaangehegde Lektor van Avondale Kollege

Australië

26 Februarie 2011

 

Die kerkie lyk leeg

met oop banke

hier en daar n persoon.

Maar ingevul

onsigbaar

sit honderde engele

ingeskuif

om die Godswonder te aanskou -

Hoe n sondige mens

sy vriende kan agterlaat

sy begeertes kan uitskuif

sy planne kan verander

sy afsprake kan omruil

om sy plek te kom inneem hier -

waar aanbidding is

waar God's Woord sentraal word

waar selfsugtige rede gewas word deur die Gees

en Geesvervulde rede

uitgesoekte Godservaring

kan meedeel

met glimlag in die leed

met tevredenheid by die verlies

met trots op die vernedering

met hoop temidde van beskaming -

en uit die modder,

die sterre sien

en die modder nie eens plek gee vir oorweging.

Lied op lied

in valse noot en orrel glippinge

kan geen engele koor

so mooi verwerk

want dié lied

is ervaring's gelaaid

is spanning's getoon

is dialekties verkose

is liefde getrokke

met n dieptheid

wat slegs n Geesvervulde sondaar

kan voortbring

en dié skepding

wil geen engel mis.

En vanaand,

na die Sabbat

word die nuus-video getoon

van planeet tot planeet

in wêrelde ongevalle

en duisende by duisende

staan verstom om te sien:

mens kán God kies,

Satan is geen verskoning,

genes is geen rede,

opbrengs is geen ontvlugting -

weg van dissipline

geloof

die goeie

die Godsontmoeting

en die Godservaring.

 

이 게시물을...