Kan nie ophou praat
(Koot van Wyk 18 Maart 2016)
Here, deur die trane swem the Skriftuurwoorde
En die knop in my keel en neus wat loop
En slukkend kom die woorde uit:
“Ek moet met julle praat oor ‘Verlossing’
Slegs in twintig minute”
Terwyl ek nie wil ophou praat nie.
Hoe kan ek ophou praat
as daar van omslag tot omslag
my hart gryp en probeer trek uit my gejaagdheid
my eie denke, my rondspringende flitse van onthou
Al die kortstondige gelukkige momente wat die wêreld bied
Met n prys van nyd, en haat, en sug, en self-ontevredenheid
Maar Gees en Christus en God gryp deur elke hoofstuk
my windverwaaide hemp en pluk my terug
Op my kniee waar ek hoort om op te kyk
na die Evangelies beskrywende kruis-
“Jesus, al het almal u verlaat –
Ek gaan nie”
Nou skyn die strale van verlossing van die Skrif
ook in my hart en elke bladsy gloei
En ek praat en wil nog praat en nog -
Maar die selfoon alarms
gryp die horendes en jaag hulle uit die kerk -
En tensy ek vir leë banke wil preek
huil my hart dat twintig minute al was.